Kamiye, Zerreweshiye u Zerretengiye sero çond qesey
[ DERSİM 38 ]
Geschrieben von Hawar Tornêcengi (neql: Usarr) am 10. Mai 2008 20:31:38:
Als Antwort auf: Başkalarıyla Birlik Uğruna Dersim Çekirdeği Parçalanamaz geschrieben von Seyfi Cengiz am 10. Mai 2008 18:23:21:
(Not: Sayın Seyfi Cengiz düşüncelerinize katıldığım pekçok nokta var. Anafikrinize pek katılmamamla birlikte saygı duyarım ve onu ilerleyen süreçte irdelerim. Belki gecen zaman sizi daha iyi anlamama vesile olacaktır. Dersimin degerlerinin yozlastırılmasına sonuna dek karsıyım.Hassasiyetinizi anlıyorum. Ama ben karamsar olmak istemiyorum. Size Hawar Tornêcengi'nin eski bir yazısını gönderiyorum..
Selamlar ve sevgiler..
S. Usarr)
Hawar Tornêcengi
Ma ve xêri dostê delali!
Gegane niadan ke ita xeyle çi kuto têwerte. Kıfır-mılqi ki her ca werane kerdo. Mordemo hewl xo waro nêdano u xo binê rae nêerzeno. Kam beno bıbo, belka ki jüyo pêse ya ki nasber beno. Mordem savrê xo teng mekero, vera her çi mevejiyo. Mordemê pili gereke cêncu wertê xode idare bıkerê, aqıl cıdê, inu ra-resnê. Hama çı hêf ke pili hên nêkenê, benê ververê domanunê cayilu. Gegane ke mordem domanu/xortu vero cêro, raa raste çı musno, faydê i domanu/xortu rozê resena qomê ma. Hama ma ke hay dara ser, i xora fişti düri, sonê zovina sarri rê çırağeni kenê. Bızonime ke yê domanunê ma problemê kamiya xo dayna jêdero.Taê alvoji ki estê ke; saê ke na mesele Dêrsimi barê vilê dina, ine ra qeyr kês nêwazeno dest b’erzo cı. Ez vaji, ni mordemi xo serva Dersimi dêndar vênenê, coka. (Ma ki xo serva zon u kulturê xo, xo dêndar vêneme...wazeme ke vind mebo) Se bikerime? Sarr ke kamiya xo, xeleşiya xo dıma bi, ma sarri rê şüaneni kerdêne, coka peyser medime. Gere ke nae bızonime ke, ju mileti ke kamiya xo çinebiye, rew herêy beno boka sarrê teveri.
Eve thuzêni, eve xar u gırr raê nêcêrina. Eve pilan u proje, eve qewete na kar ravêr sono. Tabi ke savrkerdene zaf muhima. Bızonime ke, asimilebiyene ke 20 serre onto, xoro-gınayene, era-xo-amayene belka ki 40 serre oncena. Weşiye serva di-rê rozu niya. Vatena mı awa ke, mordem her çi rê vengê xo mevezo. Beno ke taê çi ki eve sukutiye hurêndia xo cêno. Marê dosti dayna jêder lazımê. Nae xovira mekerime.
Taê alvoji ki estê ke, sarrê Dersimi benê kenê teng, hên kenê ke Dêrsımo hira Mamekiya tenge de bıxenekiyo. No ki çiyo de hewl niyo. Qesa de mawa pilu esta, vanê „Mordem dısmenê xora gore dost cêno/pêda keno“ Uyo ke marê dosto, gamê ravêr bêro. Tenga ma esta, na tengede ke phoshtdariye nêdê, roza hiraiye de xora dosti benê deyray.
Mesela kamiya Kırmanc-Zazay sero ma 10 serri ra ravêr mısawre kerde u viarnê ra. Taê alvoji estê boyna na mesela qurde kenê. Tarix ra zoneme ke namê mao khan „Dımili“yo, gırêdayê Deylemê Iraniyo. Hama çı hêf ke ewro hurêndia xo nêgureta u her ca de mıqerrem nêvajino. Beno ke taê namê tengi ravêr şêrê. Ma oncia ki na namu pêrune qewul kerime. Dersim ke xora vano „Kırmanc“, va şêro Dersim xora „Kırmanc“ vazo hama ju name esto ke hetê dugelu ra nasbiyo u vajino. „Zaza“ ka vake, endi her kes zoneno, verva cı vınetene lazıme niya. Ma gereke na namê „Zaza“ xorê jê şêmsiya bicêrime. Ma gereke Zazaunê cêri xora düri mefime. Niadime; thawa Kurdi sarrê Maraş u Meletiya xora düri vênenê? Kurdi Mısılmanê, Sarrê Maraş u Meletiya ki Qızılbaşê. Ya ki vajime; letê Arnawutu misilmano, u leto bin ki Xıristiyano. Coru vanê ke „ni Arnawut niyê“. İtiqat çiyo bino, Kamiye çiya bina. Yanê, kok u binyat ki lazımo. Misal ke bidine; ma ke alvozunê Çermugi ra perskerd, niadame ke itiqatê Dersim ve Piran ya ki Çermugi ra jü biyo. Yavuz Selimi iyê ke ova derê, gılê kou ra niyê, rew qırr kerdê, iyê ke peyde mendê ki tersu ver asimile biyê, din vurno şiyê camiye. Hama hona itiqato khan ra taê çi vindi nêbiyo. Inu ki verê coy her çiyê Islami xorê jê qavikê goze gureto, hama eve zor gıra gıra musê ve kulturê Islami. Emrê Qurane anê hurêndi hama zerre ran ê, basqi u cebir ra. Ma Areyizê mayê Cimine (Erzıngan) ki nia nêkerdo? (Yildirim Akbulut ve xo Areyizo) Ewro wertê sarrê Dersimi u Arêzunê Cimine de çı ferq ke esto, sıma vazê. Zazayê cêri xo tenê teng cênê, ez vaji no hal tenê nêzaniye ra yeno. Hona cayilê, qesunê gıranu hên dergaderg fam u icra nêkenê. Çiyo ke reheto, jê sılogan-estene, verremiyayis u hurênayene cırê dayna rehet yena. Axıri peyderpey i ki gınenê xoro, raa raste xover cênê.
Ma se bıkerime, meseley zafê hama mordem gereke têhet de qal bıkero. Na husumet gereke werte ra wedariyo. Vake; kotira vejiye na Zerretengiye, ax..koti mende Zerreweşiye?Hata reyna...
H. Tornêcengi
[ DERSİM 38 ]