WESBO 1Ê GULANE...!
•
DERSİM 38
•
Geschrieben von Usarr am 01. Mai 2008 02:35:51:
Rocşenê Emegdaran, 1ê Gulane, dinya de 164 dewletan de rocşeno de resmiyo u na roca manidare de gurıkari, emegdari nêgurinê.
Na roce de emegdar, karker, rencber u gurıkarê dinya pêro piya resenê jübini, yenê têlewe u pheşti danê jübini (yewbini).
Hukmati ra waştena xo meydanan de anê zuwan .
Feqet Tırkiya de hukmat firazkerdena (bımbarek-kerdisê) na roce karker u emegdaran rê tomete vêneno, ebe zor u şiddet helge keno.
1ê Gulane dinya de her ca u dewlete de 1ê Gulane o.
Feqet Tırkiya de 1ê Gulane zobinao.
Dinya de na roce zey şenatiye, karnavali verêna ra, feqet Tırkiya de na roce ebe goni, ebe ceng u ebe ğedeb (zulım) vêrena ra.
Çıke Tırkiya nêwazena ke imkanê heqa xo waştene bıdo emegdaran.
Çıke hukmatê Tırkiya demoxrasi nêwazeno .
Çıke Tırkiya zanena ke 1ê Gulane raya demoxrasi taêna/dıha keno ya, şar hesarê xo beno, raştiye bena vıla u züri vecinê meydan.
Hukmat 1ê Gulane ra terseno; çıke zaneno ke şaro ke ameyo pêser jü biyo, nêşkino ni şari bıxapno..
Çıke zaneno ke Demoxrasi ke ama, kara sermayedaran kuna tenge, qimetê araqê çarê gurıkaran zêdino.
Demoxrasi ke ama herkes heqa xo wazeno u reseno heqa xo. Çıke demoxrasi ke ama, herkes zey merduman cıwiyeno (weşiya xo rameno)..
Tırkiya de hukmat huzurê mıleti, heqe waştena mıleti, bırayina şaran nêwazeno. Na rü ra (coka, na semed ra), senên game bena va bıbo,
gama ke zey 1ê Gulane Tırkiya de demoxrasi raver bena, ae helge keno (vındarneno)..
Ma oncia/fına ki/zi het u lewê emegdaran, rencberan, karkeran/gurıkaran u feqıran de vındenime..
Emeg u araqê çari bımbareko..!
Wesbo 1ê Gulane..!
Wesbo Bırayina Şaran..!
S.Usarr
Antworten:
•
DERSİM 38
•